ياليتنـي ماجيـت قسـم العـيـادات = صادفت حوريه على صـورة انسـان
ماني بيمـه بـس قالـت سلامـات = هي قالته فرفشت من غيـر جنحـان
فكـرة اكسبهـا ببيتـيـن جــزلات = قلت اسمعي شاقول ياعـود ريحـان
من شـان عينـك باتفنـن بالابيـات = وصيـر لـك شاعـر وراوي وفنـان
بالشعر لـي دولـه تهابـه دويـلات= واهـز واشنطـن ولنـدن وطهـران
وعندي على بحور الشعر سبع موجات = واخيـرك يازيـن بشكـال والــوان
وبنيت في صطح القمر لـي مـدارات = اقطارها عينـك ورمشـك والاوجـان
وتـردده يـفـوق كــل القـنـوات = ارسالها همـس ومشاعـر ووجـدان
ياللـي اسرتينـي بسـودٍ ظلـيـلات = سبحان ربٍ صـورك جـل سبحـان
لـو أصفـك قالـو خيـال ودعيـات = معقول فوق الارض يوجد كذا انسـان
تقول لـي بالهـون يابـو الخيـالات = وبعض الخيال يدهورك في خبر كـان
تشر علي تقـول دورك تـرى فـات = شف الممرض يزهمك دوركـم حـان
هي صادقه نادو علي خمـس مـرات = ماني هنـا يانـاس فيضـت وديـان
هي طالعـه وانـا دخلـت الملفـات = ابي عيـادة باطنـه رحـت الاسنـان
نسيـت مافينـي وعفـت العلاجـات = وصبحت متعافـي ولانـي بمرضـان
طلعت آبا اعرف وين راحت وبسكات = حصلت خيه يصرف عـلاج عجـلان
حركت وبسرعـه قطعـت الاشـارات = الرنج راح وسايـق الرنـج بطـران
ضيعتهـا بالحـي بيـن العـمـارات = فلـل تشابـه بالزوايـا والاركــان
ضيعت بيته وسـط حـارة بهـاوات = في حي راقي مسكنه شخص طفـران
سيارتـي شبهـه بحيـه هـمـارات = وفياقرا وجمـوس متشـوف نيسـان
لفيت حارتهـا يجـي عشـر لفـات = طلع علي جاره يقول انـت سكـران
قلـت العفـو مضيـعٍ لـي قرابـات = مامرك اسـم فـلان وفـلان وفـلان
اسماء غريبه جبتها كيف هي جـات = ناظـر وقـال الله يشافيـك تعـبـان
الله خلـق خلقـه وفيهـم درجــات = وهي بنت عز وزاد من شانها شـان
مصيفهـا بيـروت وإلاالاهـرامـات = وانا مصيفي بيـن طلحـه وشعبـان
الفرق واضـح بيننـا فـي علامـات = وهقت نفسي كيف انا كنـت غلطـان
قصده تعاطف يـوم قالـت سلامـات = وجيتك من اقصايه على غير عنـوان
والموعد اللي مـن سنـه بالعيـادات = طوفته بساعه علـى شـان الاعيـان