هقيت اني على بعدك وتوديعك انا قاوي =لقيت اني بعد فرقاك أهذريبك بدون شعور
وهقيت ان الصبر ينفع وانا اللي كنت له ناوي =لقيت ان الصبر بأقصى خفوقي هاجسٍ مخطور
وهقيت اني إلامن طحت بطيح بوضع متساوي =ولكن طحت .. وناتج طيحتي لك خاطر ٍ مكسور
انا بعدك فقدت النوم ولا اظنه أبد ياوي =دموعي حايره بالعين حدتني عن شعاع النور
ياكيف اهنأ بحلو النوم وطيفك عاني ٍ ضاوي =قلط ضيف ٍعلى فكري يعزيني على المقدور
نسيتي كيف لاشفتك أجر الصوت بغناوي =أرحب بك وأهلّي بك وأعيش بعالمي مسرور
نسيتي يوم تدعيني بعالي الصوت ياهاوي =تعال إقراء وش اللي قلت تعال إحكم على المنشور
قريت وشدّني حرفك .. صداه بداخلي كاوي =جروح بخافقي ثارت عجز في طبّها الدكتور
ياكيف انسى زمان ٍ فات وأنا اللي كنت بك غاوي =انا من حقي أغوابك وأصير العاشق المغرور
دلال وزين وطيبة فال تجلّى بوجهك الضاوي =أخاف يحوشني تقصير لا قلت إنك شبيه الحور
ألا لبا الدلع كلّه إلامن صار ................. =إلا منك تمايلتي ولفحتي بشعرك المنثور
هذي ذكرى مضت يازين أبد ماظنها تاوي =ولكن باقيه في البال ولو يمضي عليها دهور
ولاكن عاشقك يازين يعيش بحال مأساوي =هموم الوقت مع همّك على قلبي تجي بالدّور
يقولون الهوى غلاّب والعهده على الراوي =وأنا اقول الهوى فضّاح فضحني وبيّن المستور