الله يزيـل الهـم عنـي ويخفيـه
والله يبـدل كـل همـي سـعـادة
مليت انا من هالزمـان وبلاويـه
وقتن ردي مافيـه غيـر النكـادة
قلبي مـلاه الهـم والهـم ماليـه
همن لحافن لـه وهمـن وسـادة
وهمن يجيب القلب واخـر يوديـه
وهمن شرابـن لـه وهميـن زادة
وهمن سرح بالقلب واخر يضويـه
علي شـن الهـم حـرب الإبـادة
ياوجد منهو صار مثلـي مخاويـة
الهم ومـع الهـم حـزن وقـرادة
مدري علام الوقت وش صايرن فيه
علي انـا بالـذات محكـم قيـادة
انا بهالدنيـا وش الـي مسويـه
يوم الزمـن زايـد عليـه جهـادة
الهم يمـي دوم مسـرع خطاويـه
يحبني مدري خذا الوضـع عـادة
ولا الفرح دربي لياقمـت يخطيـه
يخطيه ثم يخطيه ما يـوم صـادة
يالله عبدك يطلبـك وانـت واليـه
يامحسنـن امـره بسايـر عبـادة
انك لترحم من هو الوقت عاصيـه
عيا يجيلـه فـي هـواه ومـراده
وصلاة ربي عـد ماحـل طاريـه
علـى نبـيٍ مرسـلٍ بالشـهـادة