صاحبي ممكن أسامح و اعتبرها زلّه
شرط ما تجرح كرامة نفسي و تشقيها

كل جرح يهون الا جرح يفرض ذلّه
و الخطيّة اللي بديت ابها غصب تنهيها

إحسب اوساط الأمور بمبغتاها كلّه
لا تخلي نفسك السهله ولا تقصيها

إشتر اللي يشتريك ومن يبيعك خلّه
إدرس حقوق الصداقة قبل ما تبديها

صاحبي حقّه علي احشم مواطي ظلّه
وحقي انه يشتري نفسي بما يرضيها

بشرب امن الكاس لو تمليه حقد و غلّه
شرط صارحني بنفسك كل ما تخفيها

صبّ لي سمّك مع هيلك في هذي الدلة
و شوفني أشرب مع ضحكة و انا اسويّها

ولو مرافقني لشي ابخاطرك توصل له !
لك مبتغاك و بعدها نفسي فلا ترجيها

خافقي خاطب صحيبي و بصراحة قلّه
صاحبك ممكن يعدّيها ولا يرجيها

صاحبك ممكن يعدّي كل جرح و زلّة
لكن جروح الكرامة لا تفكّر فيهـــا

بقلم احد الاصدقاء