ً

وينك ترى جانا مطر احيا شوارعنا
كل الشوارع امطرت ما غير شارعنا
طشت سوالفنا أنيين
صبت دفاها للحنين
واكثر غرابيل السنين
ما عاد تجمعنا
وينك .
ترى جانا مطر


مرتني البارح طواري في محطات العمر
وانا من البارح
عرفتك
تحتريني من امر
مريت بيديني عطر
و انفاس و اهات و كلام
بعضي فرح بعضي خصام
تربكني خطواتي
فيني عمر اااتي
ان عاش يهديك العطر
وان غاب بسكاتي
يكفيه يشعرك اهتمام يا نبض اوقاتي!
وينك ؟
ترى جانا مطر ..!


الله يا صوتك
وانا اتسمع هالمطر ذكرني بسكوتك
تعال (( لا يفوتك )
شوف الزهر
شوف الاغاني والشعر
شوف البساتين بامانينا يعانقها الشجر
شوف الحنان اللي تركني ليله البارح وجاك
اليوم . ينساني معاك
ضيعت نفسي
من صحيت اسال على نفسي
دورتني يمكن سريت وياك يا امسي
لقيتني بين المطر
رجعتلك بيدي عطر
وقلت لك
( غطى شوارعنا ).
كل الشوارع امطرت ما غير شارعنا
وينك ؟
ترى جانا مطر


مشتاقلك
جانا مطر
واستنطق الليل بسواليفه
خلف السهر
طل الشتا بنظره على صيفه
لما حضر
غاب الضما بين العيون المستعينهبالصبر
يا للعمر .!!
وش كانت الدنيا بدونك يا هذاك الليل
تطلق عنانك للقمر . حتى صبح قنديل
قطره ورى قطره
تختلط دمعاتك بريح المطر
وتصافح المنديل
ويتساقط
حكي
يسرق الشارع ضيا ليله وحيده
يقطف الواقع كلامه . من عنا قيده
يذوب .
ويصب البكي
طاح بالشارع ثلاث ارواح
القمر ..
احلامك
ورعشة عناءك
الشعور المحتوينا لما طاح
صاح
رجحني على كفة غناءك
قام يطربني اغاني للصباح
حتى عانقت بصبحاتي مساءك
يا حنين راح . اطلبك السماح
اكثر اللي يعشق عيوني عطاءك
واكثر اللي شتت همومي ضياءك
واكثر احزاني دفاها من سماءك
قوم
نسيني الجراح
مالقت هالروح اجمل من وفاك .!!
يا وفاك .!
لاتخيبها .ظنوني في وفاك .