امانه يالشتاء .دامك قريب ولك بصدري باب
رفض كل الفصول ولا رضى غير انت مفتاحه

امانه دامني ماني على خبرك دفا واحباب
تريث .لين اشب اللي بقى من كلمة الراحه

مدام ان الجفا ليله طويل .وليلك انت رحاب
لقى وجه السهر فيها..زراق الدمع مصباحه

دخيلك والظما..يجتاحني .لا لاحوا الغياب
واخاف اسقيك من حزن الظما وتموت بجراحه

دخيلك .هدني للريح .لامن ضاقت الاسباب
عساي القى لقلبي مع مهب الريح ذباحه

تعب .صوت الجروح اللي ملى هذا المكان عتاب
تعب كف القصيد .ولابقى من هم ماباحه

وانا ياصاحبي .من شفتني .في دمعتي .كذاب
دريت انك بعيد ابعد من الخفاق لا فراحه

وامانه يالشتاء .دامك على حزني تهج ابواب
تريث لين اعيش اللي بقى من كلمة الراحه


منقول