يالله يا المطلوب يا والي الأقدار = أنت الذي مدات جودك لطيفة
يالله يالمعبود عاون هل الكار = تحل شطات عليهم كليفة
اللي مجالسهم بها بن وبهار = ونجر يصوت للهجافا رجيفة
مكارم للضيف أصيلات وكبار = ومفطحات في صحون نظيفة
يا مزنة غرا من الوسم مبدار = اللي جذبنا من بعيد رفيفة
تومر على كل المفالي بالأمطار = تصبح بها خدان قومي مريفة
غب الحيا فاحت بها ريح الأزهار = تخالف النوار مثل القطيفة
ترعى بها قطعاننا سر وجهار = ترعى زماليق الفياض النظيفة
قطعاننا يما رعن دمنة الدار = في ظل مردين الغلب والرهيفة
ترعى بضعف الغوش بقصاف الأعمار = تقطف زهر مرباعها مع مصيفة
الصبر مفتاح الفرج عند الأذكار = ومن لا صبر تصبح احواله كسيفة
خطو الولد مثل البلبهيالي ثار = زود على حمله حمل أليفة
وخطو الولد يبهش على موته النار = مع العرب يشبه لخطوى الهديفة
حنا نرى في زلة الجار لوبار = نضحك حجاجة بالعلوم اللطيفة
نرفي خماله رفية العش بالغار = ونودع له النفس القوية ضعيفة
ولا نبدي الخافي إلى صار ما صار = يفلج قصير البيت لوبان حيفة
أحد على جاره يختري ونوار = واحد على جاره صفاة محيفة
الجار لابده مقفي عن الجار = كل بجيرانه يعد الوصيفة
نكرم سبال الضيف حق وتعبار = لامن ولد العفن شح برغيفة
لابدها ترجع تواريخ وأذكار = وتبقى لدسمين الشوارب وظيفة

اللـي مجالسهـم بهـا بـن وبـهـار = ونجـر يصـوت للهجافـا رجيـفـة
مكـارم للضيـف أصيـلات وكبـار= ومفطحـات فـي صحـون نظيـفـة

ياماحلا الفنجال مع سيحت البال = في مجلس ما فيه نفس ثقيله
هذا ولد عم وهذا ولد خال = وهذا رفيق ما لقينا مثيله