((قصيدة التوبه))


قصيده رااائعه .. قصيده متفجره بالاسئله ...ومئات علامات التعجب !!

من كل حرف ؛وكل شهوة صبابه =أستغفر الله وأتعوذ من ابليس
أعوذباللي آوى عبدوسرابه = لاجي نهارالحشر خلف امرئ القيس
يارب ؛يارب الكرم والمهابه =يالي لك أعلام الأوادم مناكيس
جردني من النابيه والسبابه =ولبسني من دروع هديك متاريس
تعبت من مسك القلم والكتابه =والشعر ؛وفتن النسا والأباليس
والمدح في عزوة وشيخ وقرابه = واللاء..لدعوات الرضيين والليس
والحب ؛وماحوله ؛وماله ؛وهابه =والدمع لاهبت علي النسانيس
والشوق وغفال العقل وانغلابه =والليل وخطط الدها..والجواسيس
والشهرة وحكي العرب واللبابه =وزملوق شفت ماتعسه عواسيس
وحصراسمي فشاعرفساحه غرابه =شعارهافيهم رخوم وملاحيس
وانا لعطاش الاوادم سحابه = ومن خلقتي ماقدوطيت الدنافيس
تاكي علي ارث الاسم بالنيابه = واقطف خلاصة ماغرسوه الغواريس
احسبني فايزبالرضا والذرابه = واثري مثل من يحصرالنور في كيس
اقفي من الله والامل والرضا به = واروح ادور من ورا ابليس احاسيس
أسهر علي فن الكلم والخطابه =واصبح ولين اللي جمعته حماليس
قلبي لعزاف الاوادم ربابه =وراسي لخطوات الشطانه دواعيس
تقودني نفسي ولا أشعر ولاآبه = مالت عليها عاصيات الهواجيس
من عنده ان كل الشعور يتشابه =روس مع اللي في الدحادر مراويس
الاثم ماحاكه في خفوقي وخفابه =والخير ماشاعته روس النواميس
كم شي صار وصار مايندرابه = وكم نومة ماكدرتها كوابيس
تر ماأحد له في رقبتي طلابه =بس الصراحه من شم الفواعيس
والرجل اذا مايعتبر في شبابه = يعيب قبل يشيب ويشيب ويخيس
ياراجي ارجي اللي ماينصك بابه = لاترجي الوهبات من هيس ابن هيس
استغفر الله واتتقي عذابه =اللي فرقني عن حياة المتاعيس
من قبل لااعرف الهدى واعنابه =انا وهمي والحزن Face to Face
والحين لله .. الفضل والانابه = متعافي .. ويمشي علي زندي التيس
هادي .. يشوشني طزيز الذبابه = لاعد لايام الغبيه ولا أقيس
شريت عقلي في سوال واجابه = أنا اعبد الله .. والا أعبد الوساويس
لذة خفوقي وانجلايه ضبابه = سجدات ليل ظالمينه مناعيس
فـ اجواء مكة والحرم والرحابه = لا يابعد روما ولندن وباريس
هذي ديار المصطفي والصحابه =وهذيك دار ابليس وعويل ابليس

ويسعدني مروركم
اخوكم /مروان الحازمي

اقتباس   المشاركة الأصلية كتبت بواسطة عـبـادي تسلم يدك يامروان علي النقل المميز تقبل ودي واحترامي

اقتباس   المشاركة الأصلية كتبت بواسطة dalool أبيات رائعه وانتقاء أروع .. سلِمْ بنانك .. ولاهنت